Довербата меѓу сојузниците е клучна за безбедноста, а меѓусебното шпионирање претставува губење енергија, изјави денеска германската канцеларка Ангела Меркел по повод двата случаи на американско шпионирање во Германија.
– Мислам дека во овие времиња што можат да бидат многу конфузни, многу нешта зависат од довербата меѓу сојузниците, рече таа, имајќи ги предвид сирискиот конфликт и заканата од тероризмот.
Според Меркел, поголемата доверба може да значи поголема безбедност.
– Од моја гледна точка, шпионирањето сојузници е губење енергија. Имаме толку проблеми што треба да се фокусираме на поважни работи, рече Меркел на прес-конференцијата со премиерот на Молдавија, Јуриј Леанч.