Општина Центар започна голема акција за уредување на дваесет илјади метри квадратни запуштена површина, со високо обраснати и исушени треви и коров, уништени дрвја и гранки кои претставуваат потенцијална опасност за граѓаните во населбата Пролет.
Најстарата станбена населба во Скопје, населбата Пролет, ќе добие нов лик со 779 садници за почист воздух и поздраво живеење.
Општина Центар обезбеди 16 видови на садници и тоа декоративни зимзелени дрвја, високородни садници, јавори, магнолии и грмушки.
Општината и овде ја реализира својата заложба да не се троши залудно питката вода и затоа за наводнување на овие 20.000 м2 се копа бунар за наводнување со техничка вода, соопштуваат од Центар.
Системот за наводнување ќе биде автоматски, во периоди кога тоа е неопходно за зеленилото.
На овој простор исто така ќе бидат и комплетно реновирани детските игралишта, ќе постави нова урбана опрема (канти за ѓубре, клупи и др.) и ќе се постави ново осветлување.
