Пратеник во малезискиот парламент, Бунг Радин, кој минатиот месец предизвика гнев на Mалезијците поради тоа што на својот блог го величал делото на Хитлер, сега, по високата победа на Германија над Бразил, се појави пак, тврдејќи дека ете бил во право.
Парламентарецот Бунг на твитер напишал дека како фан на германската репрезентација е многу среќен поради победата од 7-1, со што, според него Германците повторно покажале дека се супериорни.
„Јас мислам така, во право сум, а тие што ме напаѓаат на социјалните мрежи го прават тоа затоа што се свесни дека мене ми припаѓа прекарот Адолф Хитлер’’, изјавил пратеникот за мрежата новински агенции „Стар’’.