Лидерот на СДСМ, Зоран Заев и заменик претседателката Радмила Шекеринска денеска остварија средба со амбасадорот на Кралството Норвешка во Република Македонија, Нилс Рагнар Камсваг.
Партијата соопшти дека на средбата се разговарало за односите помеѓу Кралството Норвешка и Република Македонија, за актуелните состојби, како и за политичка ситуација во земјава.
„Амбасадорот Рагнар Камсваг истакна дека Норвешка е долгогодишен стратешки пријател на Македонија. Тој изрази загриженост за состојбите во Македонија и за тензиите што влијаат врз меѓуетничките односи. Претседателот Заев укажа на сериозноста на политичките пресметки меѓу коалициските партнери од власта. Политиките на поделби и национализам што доминираа во периодот пред и за време на изборите, постизборно резултираат со загрозување на меѓуетничките односи во земјата, што е крајно загрижувачки“, се наведува во соопштението на СДСМ.