Поранешниот министер за финансии Ашраф Гани победи на претседателските избори во Авганистан освојувајќи 56,4 отсто од гласовите, покажуваат првичните резултати што денеска ги објави авганистанската Независна изборна комисија.
Неговиот противкандидат, ексминистерот за надворешни работи Абдула Абдула, освоил 43,5 отсто од гласовите.
Во вториот круг од изборите, оддржани на 14 јуни, гласале над осум милиони избирачи. Во првиот круг гласале околу шест милиони избирачи, соопшти претседателот на Комисијата Ахмад Јусуф Нуристани.