Бугарија денеска почна повеќедневни заеднички воени вежби со сојузничките држави-членки на НАТО во западниот дел на Црното Море, во момент кога САД се обидуваат да го смират овој регион кој е загрижен поради интервенцијата на Русија и Украина, јави БТА.
Бугарското Министерство за одбрана соопшти дека во вежбите ќе учествуваат бродови на поморските воени сили од САД, Грција, Романија, Турција и Бугарија, како и четири разорувачи од поморските сили на НАТО за брза реакција и еден американски патролен авион.
Заедничките воени вежби ќе траат до 13 јули, а ќе опфатат обука за реагирање во кризни ситуации.