Претседателот на Република Кипар, Никос Анастасиадис, повторно ќе го постави прашањето за мерките за градење доверба меѓу двете етнички заедници и тоа ќе се случи на денешната последна средба во рамки на дијалогот со лидерот на кипарските Турци, Дервиш Ероглу, на кои се бара формулата за повторно обединување на островот, пренесе АНА-МПА.
Кипарскиот владин порпарол Никос Христодулидис изјави дека кипарската грчка страна сериозно е подготвена за опсежно разгледување на ова прашање.
Се очекува на денешната средба да се направи преглед на постигнатите резултати од досега водените преговори.
Предвидено е кипарскиот претседател и лидерот на кипарските Турци повторно да се сретнат во понеделник.