На Кипар вчера беше најтоплиот ден од почетокот на годината, при што беа измерени 41 степени, соопшти денеска кипарската метеоролошка служба.
– Температурата на воздухот вчера беше 41 степени Целзиусови. Просечната температура во земјата е околу 35 степени, а на крајбрежјето неколку степени помалку. Температурите над 40 степени е карактеристично за август, изјави метеорологот Теодорас Хаџијоргу.
Најтопло на Кипар било на 1 август 2010 година, кога се измерени 45,6 степени Целзиусови.
Оделенијата за итна помош во кипарските болници се во состојба на зголемена подготвеност, издадено е предупредување за работниците кои работаат надвор, а општинските власти во Никозија отворија специјален климатизиран центар.