На Грција не и е потребенa нова програма за помош, изјави грчкиот премиер Андонис Самарас во интeрвју за германскиот весник „Ханделсблат“.
– Досега покривме голем дел од финансиските потреби. За останатиот дел постојат повеќе идеи за начините на кои би можеле да ги обезбедиме потребните средства без земење дополнителни кредити, истакна Самарас.
Потсетувајќи дека сегашниот втор пакет за помош на Грција истекува кон крајот на 2014 година, Самарас нагласи дека очекува годинава грчката економија да забележи прв раст по шестгодишната рецесија.
– Иако со само 0,5 отсто, економијата сепак повторно ќе почне да расте, потенцира Самарас во интервјуто.