Се очекува денеска и утре Атина да ја зафати жежок бран, поради што властите ги предупредија граѓаните да избегнуваат секакви активности на отворено и по можност да не се изложуваат на сонце.
Со цел да им се помогне на оние кои ќе мора да излезат, во главниот град на Грција ќе бидат отворени климатизирани простории за јавна употреба во кои граѓаните ќе можат да се засолнат.
Како што јави дописникот на МИА од Атина, предупредувањето се однесува само на денеска и утре, и се уште не е познато дали ќе биде продолжено и за наредните денови.