Министрите за надворешни работи на државите-членки на НАТО ќе имаат состанок во Брисел за да ја разгледаат ситуацијата во Украина и да подготват терен за претстојниот самит на НАТО во Велс.
На состанокот на министерскиот совет повикан е и новиот украински шеф на дипломатијата Павло Климкин како и високиот претставник на ЕУ за безбедност Кетрин Ештон.
Министрите ќе разговараат и за напредокот на државите кандидати. Состанокот почнува со работна вечера и ќе продолжи утре, а на дневен ред е и повлекувањето од Авганистан што треба да заврши до крајот на годината.