Деталните урбанистички планови кои се јавни документи, во општина Центар станаа и реално во целост достапни.
Со еден клик на веб – страницата на општина Центар, граѓаните можат да имаат увид во секоја градежна парцела и да ги проверат параметрите за изградба. Добро чуваните тајни во минатото од ДУП-овите, сега се јавно достапни.
Она што го направи општина Центар со Геоинформацискиот систем (ГИС), во делот на урбанизмот,велат од општината дека е вистински бум и дека ваквата транспарентност за првпат во Македонија се воведува во Центар.
-ГИС го има и во други општини, но не на вакво високо ниво, какво што го вети во својата изборна програма и го реализираше градоначалникот Андреј Жерновски. Сите детални урбанистички планови се внесени во системот и од базата на податоци со еден клик се вадат изводи од ДУП-овите, велат од општината.
Се работи на воведување на ГИС и во другите сектори освен урбанизмот. Секторот за граджништво и уредување на градежното земјиште веќе започна со полнење на базата на податоци, се вели во соопштението од општина Центар.
