Пијани тетовци дивееле, пукале со пиштоли и го демолирале угостителски објект „Амнезија“.
Повеќе лица биле повредени, едно лице задобило рани од удар со нож, а биле испукани и неколку куршуми од пиштол. Била нападната и полициската патрола која долшла да интервенира. Биле повредени двајца полицајци кои вршеле службени дејствија.
Според тетовската полиција, инцидентот го предизвикале 5 лица: Џ.Д (44), А.Д (19 ), Д.Д (22), Р.Ш. (34) и Б.К (35) кои околу 23 часот дошле во кафулето “Амнезија“ веќе во видно алкохолизирана состојба.
Тие во кафулето продолжиле да консумираат алкохол, а кога по половина час станале со намера да си заминат, еден од нив се судрил со гостин, по што Џ.Д. го фатил за маица и го удрил со тупаница по глава.
Извршен бил увид на местото на настанот, подигнат бил еден неиспукан куршум, траги од крв и слично, кои биле однесени на вештачење. Во Клиничкиот Центар Тетово за понатамошно лекување задржани се двајцата полициски службеници, како и некои од вмешаните.
Од страна на СВР Тетово приведени се двајца од нив и се преземаат мерки за пронаоѓање на останатите учесници и за целосно расчистување на случајот.