На српскиот сајт „Купувам-продавам“ се појави оглас за продажба на комарец, по цена од 1.000 српски динари.
Овој домашен миленик се вика Томи, а има околу месец дена. Како што вели сопственикот се храни со крв или делови од органи, а на продажба е само затоа што на сопственикот му требаат пари.
-На продажба е комарецот Томи, стар околу месец дена, кај мене е половина месец, што значи дека јас сум првиот сопственик. Лесен е за одржување и го хранам со некој орган. Еднаш дневно сака да прошета во дворот, но не сака пријатели, односно други животни. Многу е добар и сака да се игра. Замената за останати животни не ме интересира, едвај ќе се разделам од Томи-стои во овој оглас.
Е. Г.