Власта на Никола Груевски денеска ја реализираше намерата за којашто не им зборуваше на граѓаните за време на изборите, кога им најавуваше отпишување на долговите, велат во реакцијата од СДСМ.
Груевски и Ставрески на страницата на УЈП објавија Листа на срамот, на којашто се наоѓаат граѓани и фирми должници.
Тоа на граѓаните и фирмите во Македонија им го прави тој ист Зоран Ставрески кој беше на Листа на срамот во САД, што ја објави јавното гласило Монтгомери Коунти во сојузната држава Мериленд, и тоа за неплатен данок за стан што Ставрески го поседувал во САД.
Кога власта на Груевски би била совесна кон своите граѓани, тогаш би знаела зошто нејзините граѓани не успеваат да ги платат своите долгови и дека кај голем дел од нив причините се огромните казни и давачки кои што им ги наметнуваат.
Лошата економска ситуација во земјава е резултат пред се на промашените економски политики што ја задолжуваат и водат државата во пропаст и ако некој треба прв да се стави на листа на срамот, тоа е токму власта на Никола Груевски.