Стотина деца од „Раде Јовчевски – Корчагин“ од денеска се повторно згрижени во градинката и се со своите воспитувачки.Сите родители се известени дека се создадени услови за сместување на децата.
Општина Центар ги презеде сите неопходни чекори, ги санираше штетите од поплавата, ги обнови плочките и создаде услови, децата повторно да се вратат, како што беше договрено на средбата на родителите, персоналот и градоначалникот Андреј Жерновски.
Храната, до санација на кујната се носи од друг објект.
Кујната ќе се реновира комплетно за околу недела дена. Во четврток, Советот на општина Центар треба да донесе одлука за пренамена на средства од Буџетот за набавка на опрема за кујната во висина од 1.500.000 денари.