Во Прилеп се одржува 49 Македонски театарски фестивал „Војдан Чернодрински“. На денешниот четврт ден, Фестивалот нуди богата програма.
Напладне, во Центарот за култура „Макрко Цепенков“ ќе се одржи трибина на тема „Музиката во театарските претстави“. Модератор е Дејан Пројковски.
Вечер од 19 часот на сцената од приелпскиот народен театар Театарот за деца и младинци од Скопје ќе ја одигра претставата „Нашиот клас“ од Тадеуш Слобоѓанек во режија на Владимир Милчин.
Од 22 часот на сцената од Центарот за култура „Марко Цепенков“ е втората претстава во официјалната конкуренција за награди.
Турскиот театар од Скопје ќе ја изведе претставата „Камен“ од Мариус фон Мајенбург во режија на Билге Емин.
На полноќ, во народниот театар е независниот проект „Не клади се на Енглези“ на продукција „Ауденција“. Претставата е по текст на Владимир Ѓорѓевиќ во режија на Синиша Ефтимов.