Французинот Луиз Колет во Гинисовата книга на рекорди е запишан, како човек кој држел најдолг говор.
Говорел 5 дена и 4 ноќи, или вкупно 124 часа.
Од политичарите не пишува кој е рекордер, но се споменуваат Енвер Хоџа, Фидел Кастро.
Денеска во Собранието продолжува дебатат во Комисијата за труд и социјална политика за законот за бранители, вој во процедура влезе како предлог на ВМРО-ДПМНЕ.
Продолжува со дискусијата на „маратонецот“ Талат Џафери. Тој до сега говореше 8 и пол часа, во обид да се блокира носењето на Законот за бранителите.
Талат Џафери, го прераскажа буквално од збор до збор, од член до член, Уставот, потоа Рамковниот договор, и тоа внимавајќи сите членови да се однесуваат на правата на албанците.
Неизвесно е уште колку денови ќе говори Џафери, па на ред се Ермира Мехмети, и другите пратеници од ДУИ, сега веќе извесно со маратонски говори да го спречат носењето на Законот за бранители.
По Комисијата за труд и социјална политика, за законот, треба да се изјасни и Законодавно-правната комисија, па потоа да оди на пленарна седница.
ДУИ на предлагачите ВМРО-ДПМНЕ им нудат две алтернативи, или да го надополнат предлогот со одредби со кои ќе се регулираат правата и на припадниците на ОНА, или да го повлечат законот.
ВМРО-ДПМНЕ, не се откажуваат, и не реагираат, барем засега, на ораторските вештини на коалициските партнери од ДУИ.
Вчера Илија Димовски реке дека носењето на законот за бранители не е бликрано.
„Тие користат со Деловник овозможени права во расправата. Ние и понатаму остануваме на ставот дека тој закон е позитивен и дека македонскиот Парламент треба да го донесе“, рече Димовски.
Илија Димовски,го повтори ставот дека нема да го повлечат Законот за правата на безбедносните сили и нивните семејства, чиј предлагач е пратеничката група на ВМРО-ДПМНЕ.