Македонската тенисерка Лина Ѓорческа денеска во рамките на фјучрс турнирот во Сараево (награден фонд 15.000 долари) во рамките на четвртфиналето ќе игра против српската тенисерка Тамара Ќуровиќ.
По победата над Унгарката Агнеш Букта (1.коло), за Ѓорческа на нејзиниот дел од „костурот“ нема повеќе носителки што значи и евентуално полесен пат до финалето.
Ѓорческа го заврши настапот во игра на двојки во четвртфиналето откако со Романката Ирина Марија Бара загубија од Алиса Балдучи (Италија) и Деспина Папамихаил (Грција) со 7:5; 3:6 и на поени 8:10.