Група германски пратеници ќе побараат средба во рок од еден месец во Москва со поранешниот соработник на НСА, Едвард Сноуден, кој има времен азил во Русија, јави ДПА.
Барањето, кое се очекува да биде доставено денеска од парламентарна комисија, е поднесено ден подоцна откако државниот обвинител изјави пред Комисијата дека почнува паралелна истрага за прислушувањето на телефонот на германскиот канцелар Ангела Меркел од страна на НСА.
Германската парламентарна истрага е со задача да ги анализира операциите на НСА, но учесниците во комисијата беа на различни ставови по прашањето дали да го поканат Сноуден да даде детали за Берлин.