72-годишен прилепчанец денеска напладне го сврте вниманието на случајните минувачи и учесиците во сообраќајот со потегот во знак на револт да легне на сред улицата Прилепски бранители веднаш наспроти Зградата на Општина Прилеп, објави порталот 10 без 10.
Тој со солзи во очите ја раскажуваше својата приказна и мотивите да се реши на овој несекојдневен потег.
– Овие скапаниве од УЈП од кај знам зошто ми ја блокирале пензијата. Никаде борч немам. Данок за тутун од некогаш, од пред неколку години, блокирана ми е на 5.000 денари. Пензионер сум од Галичани. Усташка ова држава е. Ова е проклетија. Не Грциве ќе си играле, не Албанциве, сите!!! Седум души сум море чоек дома. Гревојте не ни се гледаат. Јас ова досега не сум го доживеал. Да ми ја блокираа, море чоек. Не знаете каква тортура врши на сиромаштијата. А за гласање-ајдеее. Пет души одевме од дома, вели тој.