Грчката економија се развива добро, но долгот на државата е висок и можеби ќе биде потребен нов спасувачки пакет, изјави раководителот на Еврогрупата, Јерун Дејселблум.
Оценката на Дејселблум доаѓа два дена, откако германскиот министер за финансии Волфганг Шојбле изјави дека е можно Грција да побара нов спасувачки пакет од околу десет милијарди евра. На Грција досега и беше одобрена помош од 240 милијарди евра.
– Колку пари и се потребни на Грција и на какво ниво ќе биде новата финансиска помош ќе се реши по летото, изјави Дејселблум.
Тој додаде дека државниот долг на Грција е висок и доколку каматата за негово исплаќање на се намали, тогаш ќе биде потребна нова помош.