Германскиот министер за надворешни работи Франк-Валтер Штајнмаер изрази надеж дека засега е избегната можноста од воведување економски санкции кон Москва.
Се надевам дека сме во фаза, кога можеме да го избегнеме донесувањето одлуки за економски санкции кон Русија, изјави министерот во интервју за денешниот број на весникот „Франкфуртер алгемајне цајтинг“.
Очекуваме од Москва да ги искористи можностите за влијание врз различни сепаратистички групи и во соработка со новиот украински претседател да спречи влегување на борци и оружје преку руско-украинската граница, истакнува Штајнмаер.
Според него, евентуалните економски санкции ќе имаат негативни последици не само за Русија, туку и за Европската унија, особено за некои германски компаниии, што имаат силни позиции во Русија.