Најдобриот светски тенисер Рафаел Надал го продолжи походот кон нова титула на Ролан Гарос откако забележа рутинска победа над Австриецот Доминик Тием.
Првиот носител не наиде на посериозен отпор од 57-рангираниот тенисер во светот, кој успеа да му одземе само седум гејма (по два во првиот и во вториот и три во третиот сет).
Ова беше 61. победа на Надал на Ролан Гарос (со само еден пораз, од Содерлин), а Шпанецот не би требало да има поголеми проблеми ниту во третата рунда, каде ќе се сретне со Леонардо Мајер од Аргентина, кој денеска беше подобар од Русинот Габашвили.