Вака изгледа зградата на улицата Рајко Жинзифов бр. 49 во Буњаковец. Денеска е добиено одобрение за рефасадирање на зградата. Таа ќе добие нов изглед, но ќе се почитува постоечкиот архитектонски облик. Боите на зградата ќе бидат во договор со станарите, но нема да биде нарушен колоритот на целата околина, вклучувајќи ги и соседните згради.
Општина Центар со ова продолжува со остварување на програмата за реконструкција на фасадите на 11 објекти во текот на 2014 година.
Ова е четврта зграда која ќе добие енергетски ефикасна фасада. Врз постоечката фасада ќе биде вграден термоизолационен материјал, а надворешниот изглед на зградите ќе биде освежен со нови бои.
Заштедите на сметките за топлинска енергија ќе бидат намалени за една третина.
