Најдобриот српски тенисер, Новак Ѓоковиќ продолжи да го бодри населението во Србија, Хрватска и БиХ, кои се загрозени од катастрофалните поплави.
-Срцето ми се кине кога гледам колку луѓе се евакуирани и загрозени во Босна, над 950.000, издржете браќа. Помош пристигнува од светот- напиша тој на „Твитер“.
Ѓоковиќ во недела го освои турнирот во мастер серија во Рим, а триумфот го посвети на загрозените.
Ziveli svi narodi bivse Jugoslavije. Neka je Bog uz vas.. pic.twitter.com/HkgVOCqIGv
— Novak Djokovic (@DjokerNole) May 19, 2014
-Гледам дека и источниот дел на Хрватска е погоден со поплавите. Искрено се надевам дека нема да го погоди во исти мерки како Србија и БиХ. Да живеат сите народи на поранешна Југославија, Господ нека е со вас- додаде Ѓоковиќ, кој својата парична награда од Рим ќе ја донира за поплавените места.
Е. Г.