Најдобриот светски тенисер Рафаел Надал се избори за полуфиналето на Мастерсот во Рим откако доцна синоќа во последното четвртфинале го победи Енди Мареј со 2:1 во сетови. Ова беше трет меч на турнирот што Надал го добива со овој резултат, откако во претходните два меча ги победи Жил Симон и Михаел Јужњи.
Мареј одлично го почна мечот и го доби првиот сет со 6:1 во гемови, но врати брзо Надал со 6:3 и во решавачкиот сет беше 7:5.
Надал во полуфиналето ќе игра против Григор Димитров од Бугарија.
Во второто полуфинале ќе играат Новак Ѓоковиќ и Милош Раониќ.
Во женските полуфинални мечеви двојките се: Јелена Јанковиќ – Сара Ерани и Ана Ивановиќ – Серена Вилијамс.