Македонската одбојкарска репрезентација со пораз го започна квалификацискиот тутнир за Европското првенство. Попладнево во Вроцлав, Полска, македонските одбојкари загубија од Словенија со 3-2.
Словенците го добија првиот сет со 25:18, а потоа следуваше добра игра на нашите одбојкари и резултатски пресврт, откако вториот сет го решија во своја корист со ист резултат, а во третиот резултатот беше 25:19. Сепак, фаворизираниот противник изедначи на 2-2 во сетови откако во четвртиот сет убедливо победи со 25:16, а во решавачкиот петти сет беше 15:8 за Словенија.
Вечерва 1.коло ќе се комплетира со натпреварот Полска – Летонија.
Следниот дуел Македонија го игра утре од 18 часот, во 2.коло противник е домаќинот Полска.
Третиот настап во Вроцлав македонските одбојкари ќе го имаат в недела против Летонија од 15 часот.
Ова е прв турнир кој го играат овие четири репрезентации, а другиот е по седум дена во Словенија.