Поранешниот германски канцелар Хелмут Шмит ја спореди украинската криза со летото во 1914 година и ги предупреди САД, Русија и ЕУ на опасност од трета светска војна.
– Европа, Американците, но и Русите се однесуваат како што авторот Кристофер Кларк во својата книга за почетокот на Првата светска војна ги опиша – месечари, изјави Шмит за Билд.
Тој ја критикуваше ЕК дека премногу се меша во светската политика „иако најголем број комесари и едвај се разбираат во тоа“. Шмит нагласува дека сегашната ситуација во Украина се повеќе може да се спореди со ситуацијата во Европа од летото 1914 година и предупреди дека заострувањето на ситуацијата како во август 1914 година, расте од ден во ден.
Шмит ја критикуваше и ЕУ заради договорорт за асоцијација со Украина, но и службениците во Брисел дека малку се разбираат во политика. Според него, сега е потребно сите страни во украинскиот конфликт да седнат на преговарачка маса и оти тоа се однесува и на Русиите и Украинците, но и на Белорусите.