Тајната служба на НАТО објави дека косовски политичари се вмешани во злосторства, а некои од водечките политичари на Косово опишуваат како мафијаши кои се поврзани со убиства, трговија со дрога, цигари и нафта, пишува денеска „Коха диторе“.
Под наслов „Политичка мафија на Косово“ на насловната страна на весникот од денеска во продолжение ќе се објавуваат делови од тајните извештаји кои ги добиле од воглавно американски и британски служби во НАТО.
Тајните документи кои ги набави „Коха диторе“ зборуваат за функционирањето на политичарите и нивните организации на мафијашки начин во послевоениот период.
Тајната служба на НАТО ја опишува Информативната служба на Косово како силна криминална организација која Американците и Британците ја поврзуваат со убиства, уцени, напади, шверц со дрога, нафта и елиминација на политички противници.
Тајната служба како што се наведува имал и Демократски сојуз на Косово која не се вика Национална безбедност, туку Косовска информативна агенција со која раководи, Авди Бехрами.Наведени се детали за наводни криминални и бизнис активности на Хашим Тачи, Кадри Весели, Азем Сила, Адем Грабовци, Џавит Халити и Фатмир Љимај во период кога ДПК се обидувала да победи на изборите и да дојде на власт.