Македонскиот тенисер Стефан Мицов успешно стартуваше на уште еден фјучрс турнир во Шарм Ел Шеик, Египет. Тој денеска во првото коло го победи Франческо Вилардо од Италија со 2:1 во сетови.
Првиот сет му припадна на Италијанецот Вилардо (1507 место АТП) со 6:2 во гемови, но потоа Мицов направи пресврт и ги следните два сета ги доби со 6:3 и 6:1 за победа и пласман во следното коло и освојување на најмалку уште еден поен.
Во второто коло нашиот тенисер ќе игра против победникот од дуелот Карим Кадри (Египет) и Адам Павлашек (3. носител, Чешка).
Во игра на двојки попладнево Мицов со Бесир Дургути играат против Аргентинците Лучиано Бетеља и Матиас Дестефанис.
Дургути утре во рамките од 1.коло ќе игра против првиот носител Жермен Гигуно од Белгија.