Словенечкиот центар – Скопје денеска организира претставување на Република Словенија и одбележување на Денот на Европа во ЕУ Инфо центарот, канцеларијата на Секретаријатот за европски прашања и на плоштадот „Македонија“ во Скопје.
Со овој настан Словенечкиот центар – Скопје ја продолжува својата туристичка кампања „Поминете го одморот во Словенија – посетете ја Словенија“, а ќе бидат претставени и студиите по словенечки јазик и книжевност на Филолошкиот факултет „Блаже Конески“ во Скопје.
Настанот ќе биде реализиран со поддршка на Службата на Владата на Република Словенија за Словенците во соседството и по светот во соработка со Амбасадата на Словенија во Македонија, Секретаријатот за европски прашања при Владата на Република Македонија и Филолошкиот факултет „Блаже Конески“ – Катедра за македонски јазик и јужнословенски јазици на Универзитетот Св. „Кирил и Методиј“ во Скопје.