Со денешното одбележување на Денот на Европа, всушност одбележуваме и 10 годишнина од најголемото проширување на ЕУ. Јубилеј кој претставува поттик за понатамошно наше приближување кон ЕУ и вклучување во евроинтеграциските процеси, но и обврска на унијата за што побрзо донесување одлука за почеток на преговарачкиот процес, рече градоначалникот Иван Франгов на прославата што се одржа на Градскиот плоштад во Гевгелија.
Реализираните проекти со финансиска подршка од ЕУ,истакна Франгов,најдобро зборуваат дека бенефитите од успешната прекугранична соработка можат да бидат значајни, како поради остварените дела, така и поради зајакнатиот капацитет на општината. Во моментот во фаза на реализација се три проекти со Грција и Бугарија со вкупна вредност од 510.000 евра.
Одбележувањето на Денот на Европа беше пропратено со забавна програма во која настапија учесници од детскиот фестивал Калинка и КУД Бојмија.