СУГС „Владо Тасевски“ е домаќин на 33. Државен натпревар на средните електротехнички, машински и сообраќајни училишта од Република Македонија. Натпреварот денеска го отворија градоначалникот на Град Скопје, Коце Трајановски, претставници од Центарот за стручно образование и обука и директорката на СУГС „Владо Тасевски“, Билјана Глигорова.
На натпреварот, како што информира Трајановски,
Посакувајќи им среќа на учесниците, тој посочи дека Градот Скопје континуирано ги поддржува, а и во иднина ќе ги поддржува иницијативите за одржување на натпревари во средните училишта, како на републичко, така и на меѓународно ниво.
– Реализацијата на натпреварите ќе придонесе на учениците да им се даде можност покрај совладувањето на материјалот во рамките на редовната настава да отидат и чекор понатаму и во остра конкуренција да ги измерат своите знаења и вештини. Убедем сум дека реализацијата на вакви натпревари ќе им овозможи на учениците да стекнат вештини, кои ќе им бидат потребни за понатамошен кариерен развој, јакнење на индивидуалната и општествена продуктивност, и ќе го поттикнуваат нивното учество во натамошни обуки и образование, рече Трајановски.
Дел од учениците ќе се натпреваруваат решавајќи тестови, а дел презентирајќи ги своите трудови. Вреднувањето и оценувањето на трудовите ќе го вршат комисии, кои се составени од предметни професори од соодветната струка, а натпреварите ќе ги надгледува комисија составена од членови од Центарот за стручно образование и обука и професори од техничките факултети од електро, машинската и сообраќајната струка.