200 деца од седум основни училишта од општина Центар денеска пееја и играа во ритмот на 7 различни култури. Присутните уживаа во изведбата на на македонскиот, албанскиот, турскиот, србскиот, влашкиот, босанскиот и ромскиот мелос.
„Ние, возрасните треба да го следиме вашиот пример. Да ги разликуваме луѓето не по националност и вера, туку по добрина и дела. И моите два сина ги учам дека животот е премногу кус за да се живее тажно, да се делиме и караме. Затоа да направиме овој свет да биде шарен, а не безбоен“, рече градоначалникот на општина Центар, Андреј Жерновски.
Жерновски им порача дека општина Центар секогаш ќе ги подржува и ќе учествува во организирање во вакви проекти, затоа што само заедно и почитувајќи се имаме иднина.
