Портпаролот на украинското Министерство за надворешни работи изјави дека украинските власти донеле одлука за протерување на Кирил Коључкин, морнарички аташе од руската амбасада во Киев, пренесе „Интерфакс“.
-Морнаричкото аташе од руската амбасада во Украина е прогласен за „персона нон грата“ поради дејствување, кое е некомпатибилно со неговиот дипломатски статус, а во рамки на виенската Конвенција за дипломатски односи, рече тој и додаде дека што поскоро мора да ја напушти територијата на Украина.
Украинските медиуми пренесуваат дека „украинските безбедносни служби, благодарение на својата успешна контраразузнавачка операција, на 30-ти април го привеле Коључин, во момент на неговата шпионска активност.
Е. Г.