Привршуваат работите на реконструкцијата на улиците „8-ма Ударна бригада“ и „Лермонтова“ кај Амбасадата на Република Италија.
Поплочени се тротоарите и улиците со вештачки гранитни плочки и направен е нов паркинг. Улицата завршува со сквер со нова модерна урбана опрема, чешма и паркинг за велосипеди.
Општина Центар подготвува изненадување за граѓаните со еден необичен детаљ од урбана опрема.
Улиците ги красат 12 индиски јорговани и три лиродендрони, дрвја слични на јавори.
Под нивната широка сенка, скопјани, ова лето ќе можат да се одморАат и да се дружат. Скверот нуди можност и за одржување на културни настани.
Веќе наредната недела овој простор ќе биде отворен за граѓаните.
