Во Приштина од раните утрински часови полицијата ги претресе просториите на косовската Агенција за приватизација, а медиумите наведуваат дека поради малверзации веќе се уапсени 12 луѓе, јави Танјуг.
Портпаролот на косовската полиција Баки Келани изјави дека во тек е голема полициска операција, но не се соопштени детали.
Полициски извори изјавија дека до овој момент се уапсени 12 лица, меѓу кои има и претставници на Агенцијата за приватизација, пратеници и претставници на општина Подуево.
Според медиумите, полицијата ја пребарала и куќата на членот на Бордот за приватизација и пратеник на Демократскиот сојуз на Косово Насер Османи, за кого се сомнева дека бил вклучен во малверзации со недвижности во Агенцијата за приватизација.