Јавното претпријатие „Паркинзи на општина Центар“ ги ослободи новинарите од надомест за паркирање на територијата на општината.
Советниците едногласно прифатија новинарите да имаат мобилна паркинг карта со која, заради вршење новинарска дејност и слободен пристап до информации ќе се паркираат без никаков надоместок.
Новинарската мобилна паркинг карта ќе се издава на секое физичко лице вработено како новинар во конкретен медиум или новинска агенција, под услов да достави потврда за тоа како и потврда дека е член на соодветно новинарско/медиумско здружение или синдикат.