Министрите за енергетика на Украина и Русија, Продан и Александер Новак, на 2. мај (петок), во Варшава ќе остварат трилатерална средба со комесарот за енергетика на Европската унија, Гинтер Ојтингер, јавува дописникот на МИА од Брисел.
Како што информираа од Европската комисија, оваа трилатерална средба доаѓа по писмото-одговор на претседателот на неформалната Влада на Унијата, Жозе Мануел Барозо на писмото на рускиот претседател Владимир Путин, испратено на 17-ти април, а во врска со можноста да сопре да тече рускиот гас во Украина, поради долг од неколку милијарди евра на Украинците.
Работата на двајцата министри и еврокомесарот е да ги “испеглаат” недоразбирањата, Украина да плати дел од долгот кон руската компанија „Газпром”, а Русија да не сопре со испораката, односно да не премине на испорака со претходно плаќање. Во меѓувреме, официјален Киев потпиша договор со Словачка за достава на гас од оваа земја-членка на Европската унија, што е недоволно за потребите на украинските граѓани.