НАТО не забележува знаци за повлекување на руските воени единици од нивните позиции во близина до границата со Украина.
Коментарот е по повод уверувањето на рускиот министер за одбрана Сергеј Шојгу, дадено во телефонски разговор во понеделникот со неговиот американски колега Чак Хејгел.
Според Шојгу, руските војници, кои според официјални информации учествуваат во вежбите крај границата со Украина, се вратиле на вообичаените позиции.
– Во моментот немаме информација, која ќе покаже повлекување на руските војски од украинската граница. Продолжуваме да ја повикуваме Русија да го примени договорот од Женева и да ги повлече сите единици од украинската граница во полза на дипломатијата и дијалогот, изјави претставник на НАТО.