Освоивме 150 илјади гласови наспроти 50.000 на ДПА, што е историска победа на овие парламентарни избори, рече вечерва лидерот на ДУИ, Али Ахмети.
– Нашите проценки се дека ќе освоиме 19 или 20 пратенички мандати. Тоа е важно за иднината на земјата. ДУИ и ние како идни членови на владата може да ги подобриме политиките. Ќе ја смениме ситуацијата во земјата и во однос на економијата и на влезот во ЕУ и во НАТО – рече тој.
Ахмети се заблагодари на гласачите на албанскиот електорат и на помалите етнички партии кои гласале за ДУИ.