Украинските власти се должни да направат прв чекор ако се бара решение за украинската криза, изјави денеска рускиот министер за надворешни работи Сергеј Лавров.
– САД треба да го искористат влијанието и да го убедат Киев да ги исполни обврските од меѓународниот договор од минатата недела за Украина, нагласи Лавров.
Според него, основен услов за излез од кризата во Украина е прекин на незаконските акции на властите во Киев.
– Украинските власти треба да знаат за својата одговорност од договорот од 21 февруари како и од 17 април во Женева. Таму јасно се кажува дека не смее да има никакво насилство. Да се употреби армијата, и да се потпирате на радикал-националисти против народот е недозволена форма на насилство. Според мене, тоа е криминално решение, изјави Лавров на прес конференција во Москва по средба со либанскиот колега Џебран Басил.
– Она што се случува сега во Славјанск, а во изминатата ниоќ и во Мариупол, е резултат на неодговорна политика, која се потпира на ултранационалистички, екстремистички и до голем степен, нацистички групи, кои согласно договорот од 21 февруари требаше да бидат разоружани, вели Лавров.