На подрачјето на Град Скопје изминатото деноноќие се случиле 12 сообраќајки од кои четири со последица материјална штета и осум со последица телесна повреда.
Со полесни повреди се здобиле тројца возачи на патнички возила, тројца сопатници, петмина пешаци и двајца патници во автобус.
Според евиденцијата на сообраќајната полиција, случена е уште една незгода со мала материјална штета во која што е пополнет Европскиот извештај.
Санкционирани се петмина возачи без возачка дозвола и 20 возачи кои не носеле безбедносен појас или користеле мобилен телефон за време на возењето.
За денес е најавено и одржување на сообраќајна поука во Полициската станица за општа надлежност во Гази Баба на која ќе присуствуваат возачи кои непрописно се престроиле пред крстосница, не го користеле сигурносниот појас или го користеле мобилниот телефон за време на возењето, како и возачи коишто не го почитувале ограничувањето на брзината на движење.
Во рамки на сообраќајно воспитните акции денеска Отсекот за превенција при Единицата за безбедност на патниот сообраќај ќе реализира едукативни работилници во училиштето „Наим Фрашери“ во Студеничани.
За денеска нема најавено вонредни настани со што се очекува сообраќајот да се одвива тековно според постоечката сообраќајна регулатива.