Белорускиот претседател Александар Лукашенко изјави дека зачувувањето и зацврстувањето на стратешкото партнерство со историскиот сојузник – Русија, останува приоритетна задача на надворешната политика на земјата.
– Тој пристап е законодавен и произлегува од самата суштина на интеграцијата. Денес ние ги остваруваме со Русија најзначајните проекти, вклучувајќи и изградба на атомски централи, дејствија за модернизација на воено-индустрискиот комплекс, рече тој во редовното обраќање кон белорускиот народ и Парламентот.
Лукашенко изрази длабока вознемиреност од продлабочувањето на украинската криза.
– Сите геополитички потреси, особено во Источна Европа, несомнено не засегаат, истакна тој и додаде дека Белорусија е крајно заинтерсирана од стабилна, просперитетна Украина и е подготвена да помогне за таа цел, рече Лукашенко.
Според него, Киев нема друг пат, освен да соработува со Русија и Белорусија.
Лукашенко истакна дека не верува оти Украина ќе влезе во НАТО, а исто така таа треба да остане „суверена, единствена, целосна држава“.