Рожер Федерер со победата над Новак Ѓоковиќ се пласира во финалето на тенискиот турнир во Монте Карло.
Швајцарецот славеше победа во два сета со 7:5 и 6:2 во вториот полуфинален меч одигран попладнево.
Лесниот триумф на Федерер првенствено се должи на повредата на десната рака на неговиот противник кој лани беше победник на овој турнир.
За Федерер ова ќе биде петто финале во Монте Карло. Тој за првиот трофеј во кнежевството ќе се бори со својот сонародник Станислас Вавринка кој исто во два сета во полуфиналето го победи шпанскиот тенисер Давид Ферер со 6:1 и 7:6.