Поранешната украинска премиерка, Јулија Тимошенко која што е кандидат за претседателските избори, апелираше американскиот Конгрес да и даде воена помош на Украина, објави прес службата на нејзината партија.
Таа апелира американскиот Конгрес „да ги преземе сите можни чекори за поддршка на Укриана и одбрана на нејзиниот суверенитет и територијален интегритет“, пренесе „Итар-Тас“.
Поранешната украинска премиерка наведува дека на нејзината држава и е потребна целосна помош, вклучувајќи ја одбрамбената технологија, системите за противавионска одбрана, како и обука за воени специјалисти. Меѓутоа и покрај апелот таа ги поздрави резултатите од преговорите помеѓу претставниците на Украина, Русија, САД и ЕУ во Женева како „прв чекор во вистинска насока“.
Тимошенко се изјасни во прилог на реформите на локалните власти и нивната самостојност и овозможување на подобар статус на рускиот јазик, за што се потребни промени во уставот. Таа ја подржа и идејата за финансиска независност на украинските региони. Во тек на престојот во Доњецк, Тимошенко се сретна со членовите на батаљонот на доброволци.
Е. Г.