Жителите на косовскиот регион Дреница го обвинија имамот Кастриот Дука, кој по потекло е од Албанија, за индоктринација и поттикнување на исламските верници да одат во војна во Сирија, јави дописникот на МИА.
Според косовските медиуми, дел од верниците не се исплашени од законот на владата во Приштина, со кој секој кој војува надвор од земјата ќе биде казнет со 15 години затвор, туку и натаму потпаѓаат под влијание на имамот и заминуваат за Сирија.
Тие наведуваат дека од подрачјето на Дреница десеттици млади заминале да војуваат во Сирија.
Командирот на полициската станица во Дреница, Басри Дурмиши вели дека полицијата има официјални податоци дека петмина жители на Србица војуваат во Сирија, но не негира дека овој број може да е неколкупати поголем.
Жителите од оваа косовска област за ова го обвинуваат имамот Џемаил од џамијата во село Марин, кој е државјанин на Албанија и чие вистинско име е Кастриот Дука, кој е прогласен за персона нон грата, но тој сепка повотрно се вратил во Косово, наведуваат медиумите.