Грција соопшти дека ќе продава еден од трите државни авиони, а другите два ќе ги отстапи на располагање на националното воздухопловство, со цел да се намалат трошоците.
„Авионот „ембрајер“ со 13 седишта ќе биде продаден, а приходоѕ ќе биде употребен за трошоците на армијата“, соопшти владата во Атина.
Другиот „ембрајер“ произведен во Бразил ќе биде даден на воздухопловните власти за медицински потреби.
Грчката влада соопшти дека третиот авион ќе го задржат за патување на грчките политичари, но по потреба ќе го отстапува и на воздухопловните власти. Грција е под притисок на Европската Унија и Меѓународниот монетарен фонд да ги намали јавните трошоците во замена за милијардите ерва од пакетот помош кој треба да ја одржи во живот.