Едно светилиште и џамија на следбениците на суфизмот, се уништени во Триполи.
Светилиштето е уништено со багер. Неколку часа подоцна, група со булдожер ја уништи и џамијата.
Полицијата го затвори патот кон џамијата, но не ги спречи напаѓачите да ја уништат.
Суфизмот е учење за внатрешната, мистична димензија на исламот, а неговите следбеници веруваат дека се најсовршени ученици на таа религија. Раширен е во земјите во Африка, особено во Мароко и Сенегал.
Нивни светилишта кои се многу значајни се во Кина, Пакистан, Индија. Ги имаше и во Турција, но со закон уште од 1937 година таа група е забранета, а во Иран се предмет на контроверзи, борби и апсења.